"Ювентус" ҳужумчиси Душан Влахович ёзги трансфер ойнасида Испанияга кўчиб ўтишдан бош тортди. "Кекса синьора" сербияликни келаси йили эркин агент сифатида кетмаслиги учун сотишга тайёр эди, аммо футболчи қолишга қарор қилди. AS хабарига кўра, Влаховични "Вильярреал" ўз сафига қўшиб олмоқчи бўлган. 25 ёшли футболчи "сариқ сувости кемаси"га рад жавобини берди, чунки у мавсум якунлангач, янада каттароқ клубга ўтишга умид қилмоқда.
Душан Влаховичга қизиқиш Туркия ва Саудия Арабистони чемпионатлари вакилларидан ҳам боор эди. Машҳур Transfermarkt портали экспертлари форварднинг нархини 35 млн еврога баҳоламоқда.
