"Yuventus" hujumchisi Dushan Vlaxovich yozgi transfer oynasida Ispaniyaga ko‘chib o‘tishdan bosh tortdi. "Keksa sinyora" serbiyalikni kelasi yili erkin agent sifatida ketmasligi uchun sotishga tayyor edi, ammo futbolchi qolishga qaror qildi. AS xabariga ko‘ra, Vlaxovichni "Vilyarreal" o‘z safiga qo‘shib olmoqchi bo‘lgan. 25 yoshli futbolchi "sariq suvosti kemasi"ga rad javobini berdi, chunki u mavsum yakunlangach, yanada kattaroq klubga o‘tishga umid qilmoqda.
Dushan Vlaxovichga qiziqish Turkiya va Saudiya Arabistoni chempionatlari vakillaridan ham boor edi. Mashhur Transfermarkt portali ekspertlari forvardning narxini 35 mln yevroga baholamoqda.
