"Манчестер Юнайтед" бош мураббийи Рубен Аморим ҳозирча истеъфога чиқарилмайди.
Мавсум муваффақиятсиз бошланганига қарамай, "қизил иблислар" раҳбарияти португалияликка тўлиқ ишонишда давом этмоқда, дея хабар бермоқда инсайдер Девид Орнштейн. Мураббийнинг ўзи ҳам кетмоқчи эмас. Иккала томон ҳам натижаларни яхшилаш кераклигини тушунади, мураббий эса ҳали ҳам хўжайинлар ва ўйинчиларнинг қўллаб-қувватлашидан фойдаланади. Агар истеъфо барибир содир бўлса, Гарет Саутгейт унинг ўрнига асосий номзодлар қаторида кўринмайди, дея таъкидлайди манба.
Рубен Аморим ўтган йилнинг ноябрь ойидан бери ўз лавозимида ишлаб келмоқда, унинг шартномаси 2026/27 йилги мавсум охиригача мўлжалланган.
