"Барселона" марказий ҳимоячиси Рональд Араухо октябрь ойидаги ўйинлар учун Уругвай терма жамоаси қароргоҳига бормайди.
Марсело Бьелса жамоаси Доминикан Республикаси (10 октябрь) ва Ўзбекистон (13 октябрь) терма жамоалари билан ўртоқлик учрашувлари ўтказади. Журналист Фернандо Полонинг маълум қилишича, уругвайликлар етакчиси Араухога қўшимча дам беришга қарор қилган, шу боис уни бўлажак ўйинлар қайдномасига киритмаган.
Уругвай терма жамоаси саралаш босқичида Аргентина, Эквадор ва Колумбиядан кейин тўртинчи ўринни эгаллаб, 2026 йилги жаҳон чемпионатига муваффақиятли йўлланма олди.
Рональд Араухо 2020 йилги дебютидан бери миллий жамоа сафида 24 та ўйин ўтказган.













