"Барселона"нинг собиқ устози Хави Эрнандес Саудия Арабистонининг "Ал-Иттиҳод" клуби бош мураббийига айланмайди. Бу ҳақда инсайдер Фабрицио Романо хабар бермоқда.
Журналистнинг сўзларига кўра, клуб Ҳави билан ҳақиқатан ҳам музокаралар олиб борган, бироқ якунда Сержиу Консейсау номзодига тўхталган. Таъкидланишича, Хави тезроқ ишга қайтишни жуда хоҳламоқда, унинг устувор мақсади - Англия Премьер-лигаси. Романонинг таъкидлашича, испаниялик чемпионатни диққат билан кузатиб бормоқда, аммо унинг Испания ёки Италия клубларидан бирида пайдо бўлиши ҳам истисно қилинмаяпти.
Аввалроқ ОАВда 45 ёшли Хавига "Манчестер Юнайтед" қизиқиш билдираётгани ҳақида бир неча бор хабарлар тарқалган эди.
