"Барселона" бош мураббийи Ханс-Дитер Флик яна жароҳати қайталанган вингер Ламин Ямал ҳақида фикр билдирди. Ўтган ойда Флик Ямалнинг соғлиғи билан боғлиқ муаммолар ҳақида маълумотлар борлигига қарамай, ундан Испания терма жамоасида фойдаланилганидан ғазабланган эди.

"Менинг де ла Фуэнтега айтган сўзларимми? Вазият терма жамоалар ўйинларидаги ўтган танаффусдан кейин юзага келган. Футболчимни ҳимоя қилмоқчиман, уни қўллаб-қувватламоқчиман. Бу ўтмишда қолди ва мен буни салбий деб ўйламайман - бундай ҳолатлар содир бўлади. Терма жамоада ишлаган вақтимда ўзим ҳам шундай аҳволга тушганман. Менинг вазифам - ўз футболчимни ҳимоя қилиш. Шунинг учун мен ўшанда шундай деган эдим. Эҳтимол, мен одатдагидан кўра қаттиқроқ гапиргандирман.

Эрталаб Ямал билан гаплашдим. Унга қандай ёрдам беришимиз мумкинлигини сўради. У қайтганида ўйин вақтини тўғри тақсимлаш менинг вазифам. Мен буни қиламан," - деди Флик журналистларга.