Испания чемпионатининг 8-турида "Жирона" ўз майдонида "Валенсия"ни мағлуб этди - 2:1.
Мезбонлар сафида Владислав Ванат ва Арнау Мартинес гол уришди, меҳмонларнинг ягона голи Диего Лопес ҳисобига ёзилди.
"Жирона" Испания чемпионати-2025/26даги илк ғалабасини қўлга киритди, бунгача жамоа 3 дуранг ва 4 мағлубият қайд этганди. Клуб 6 очко билан Ла Лига турнир жадвалида 16-ўринга кўтарилиб олди. "Валенсия" 8 очко билан 14-поғонада бормоқда.
Кейинги турда "Жирона" сафарда "Барселона" меҳмони бўлса, "Валенсия" сафарда "Алавес" билан куч синашади.
Ла Лига, 8-тур
04.10.2025, шанба, 19:15
Жирона - Валенсия - 2:1
Голлар: Ванат, 18 (1:0). Диего Лопес, 57 (1:1). Мартинес, 63 (2:1)
Жирона: Гассанига, Витор Рейс, Блинд, Франсес (Ринкон, 23), Витсель, Мартин, Морено, Мартинес, Порту (Хиль, 84), Асприлья (Курума, 83), Ванат (Стуани, 68)
Валенсия: Агирресабала, Диакаби (Копете, 6), Таррега, Васкес, Коррейа (Дуро, 72), Пепелу, Сантамария (Герра, 46), Диего Лопес (Раба, 83), Риоха, Груневелд, Бельтран (Рамазани, 72)
Огоҳлантиришлар: Витор Рейс, 45. Мартин, 57. Порту, 84. Мартинес, 90 - Риоха, 55
Четлатишлар: Мартин, 80 (иккинчи сариқ карточка). Франсес, 90
