Қозонда давом этаётган бутунжаҳон Универсиада мусобақаларининг байдарка ва каноэда эшкак эшиш бўйича вакиллари бугундан иштирокларини бошлашди.
Энг кўп вакиллари билан қатнашаётган жамоалардан бири Ўзбекистон терма жамоаси ҳам саралаш босқичларини муваффақиятли ўтказишмоқда. Бугунги кунги учрашувларда медаллар ўйналмайди. Барча иштирокчилар саралаш босқичларидан финал ва яри финал босқичига йўл олишга ҳаракат қилишади.
Ҳозиргача бўлиб ўтган саралаш натижаларига кўра, эртага бўлиб ўтадиган финал босқичига йўл олган спортчиларимиз учта йўналишда бор. Биринчиси каноэда эшкак эшувчи тўртлик 1000 метр масофада финалда иштирок этади. Таркибда Мироджон Азметов, Ильдар Қаюмов, Нурислом Тўхтасин ўғли, Дилшод Йўлдошевлар жой олишган.
Шунингдек, байдаркада эшкак эшиш мусобақалари қатнашчиси Алексей Миронов 1000 метр масофада олтин медаллар учун кураш олиб боради. 200 метр масофада эса у ярим финал босқичида курашни давом эттириши лозим. Мусобақаларнинг қолган тафсилотлари, финал босқичлари борасида эртага маълумот бериб ўтамиз.