Лондоннинг "Арсенал" клуби бош мураббийи Микель Артета "Вест Хэм"га қарши кечган ғалабали ўйиндан сўнг Мартин Эдегор ҳақида фикр билдирди.
Эслатиб ўтамиз, шанба куни "Арсенал" ўз мухлислари қаршисида "Вест Хэм" устидан ишончли ғалабага эришиб, рақиб дарвозасига жавобсиз иккита тўп киритди. Биринчи бўлимда Эдегор жароҳат олди ва 30-дақиқада майдонни тарк этди.
"Яна омади юришмади. У тиззасини шикастлаб олди ва дарҳол нимадир нотўғри эканлигини сезди. Кутиб туриш керак, шунда жароҳатнинг қанчалик жиддийлиги маълум бўлади. Унинг омади келмаяпти" - деди Артета ўйиндан сўнг.
