"Манчестер Сити" бош мураббийи Хосеп Гвардиола ҳужумчи Эрлинг Холанднинг жорий мавсумдаги ажойиб ўйинлари ҳақида фикр билдирди.
Норвегиялик футболчи олти ўйинда саккизта гол урган ҳолда Премьер-лига тўпурарлар пойгасида пешқадамлик қилмоқда.
25 ёшли форвард жорий мавсумда умумий 8 та ўйинда 11 та гол уришга муваффақ бўлди. "Эрлинг жуда яхши ўйнамоқда, кўп гол урмоқда ва мен жамоа унга кўп ёрдам бераётганини, доимо вазиятлар яратаётганини кўрмоқдаман.
Биз яхшироқ ўйнаяпмиз, тобора кўпроқ имкониятлар яратмоқдамиз. Мана бу эса натижани таъминлайди", - деди Гвардиола.
