"Manchester Siti" bosh murabbiyi Xosep Gvardiola hujumchi Erling Xolandning joriy mavsumdagi ajoyib o‘yinlari haqida fikr bildirdi.
Norvegiyalik futbolchi olti o‘yinda sakkizta gol urgan holda Premyer-liga to‘purarlar poygasida peshqadamlik qilmoqda.
25 yoshli forvard joriy mavsumda umumiy 8 ta o‘yinda 11 ta gol urishga muvaffaq bo‘ldi. "Erling juda yaxshi o‘ynamoqda, ko‘p gol urmoqda va men jamoa unga ko‘p yordam berayotganini, doimo vaziyatlar yaratayotganini ko‘rmoqdaman.
Biz yaxshiroq o‘ynayapmiz, tobora ko‘proq imkoniyatlar yaratmoqdamiz. Mana bu esa natijani ta’minlaydi", - dedi Gvardiola.
