Кеча Суперлига 24-туридан ўрин олган ўйинда "Насаф" сафарда "Бунёдкор" билан дуранг ўйнади - 2:2.

Ўйиндан сўнг қаршиликлар бош мураббийи Рўзиқул Бердиев жамоа вингери Ойбек Бозоровнинг миллий жамоанинг октябрь ойидаги йиғинига чақирилмаганига муносабат билдирди.

«Бу мураббийлар қарори. «Бунёдкор»га қарши бугунги ўйинда ҳам у фаол ҳаракат қилди. Менимча, у термага муносиб. Мураббийлар қарорини ҳурмат қиламиз. Термага ким чақирилишини улар ҳал қилади», - деди Бердиев.

Бозоров жорий мавсумда жами 24 та ўйинда 4 та гол уриб, 10 та голли узатма берган.