Наманганнинг «Навбаҳор» клуби давралар оралиғида мураббийлар штабида ўзгаришлар қилмоқчи. Бу ҳақда клуб расмий сайти хабар тарқатди.
Мавсумнинг биринчи ярмида бош мураббий вазифасини бажарган Мустафо Байрамов катта мураббий Усмон Асқаралиев жамоадан кетгач аксарият ҳолларда ёлғизланиб қолди. Эндиликда ана шу камчиликни тўлдириш мақсадида иш олиб борилмоқда.
2013 йилги мавсум биринчи ярмини Чустнинг «Чуст-Пахтакор» жамоасини бошқарган Роберт Гай билан музокараларга киришилганди. Ушбу мутахассис билан олиб борилган музокаралар бироз олдин ижобий тарзда якун топди. Гай эндиликда «Навбаҳор» мураббийлар штабидан жой олиб, Байрамовга яқиндан ёрдам берадиган бўлди.
Ҳозирда яна бир тажрибали мутахассис билан ҳам музокаралар олиб борилаётганлигини эътироф этиш жоиз. Музокаралар ижобий тарзда якунига етгач, жамоамизда иш бошлайдиган мураббийнинг кимлигини мухлисларга таништирилади.
