Шотландиянинг "Рейнжерс" клуби мураббийларни алмаштиришга қарор қилди - Рассел Мартин навбатдаги муваффақиятсиз ўйиндан сўнг истеъфога чиқарилди.
Якшанба куни "Рейнжерс" элит дивизионнинг янги аъзоси "Фалкирк" билан дуранг ўйнади (1:1). Орадан бир неча соат ўтиб, клуб расмий сайти бошқарувчи Мартин билан хайрлашганини маълум қилди. Бунгача "Саутгемптон"ни бошқарган 39 ёшли мутахассис бу лавозимда бор-йўғи 4 ой ишлади.
"Рейнжерс" еттинчи турдан сўнг саккизта очко билан Шотландия Премьер-лигасида саккизинчи ўринни эгаллаб турибди.
Рассел Мартиннинг ўрнини эгаллаши мумкин бўлган номзод аввалроқ Глазго клубида ишлаган Стивен Жеррард ҳисобланади.
