Shotlandiyaning "Reynjers" klubi murabbiylarni almashtirishga qaror qildi - Rassel Martin navbatdagi muvaffaqiyatsiz o‘yindan so‘ng iste’foga chiqarildi.
Yakshanba kuni "Reynjers" elit divizionning yangi a’zosi "Falkirk" bilan durang o‘ynadi (1:1). Oradan bir necha soat o‘tib, klub rasmiy sayti boshqaruvchi Martin bilan xayrlashganini ma’lum qildi. Bungacha "Sautgempton"ni boshqargan 39 yoshli mutaxassis bu lavozimda bor-yo‘g‘i 4 oy ishladi.
"Reynjers" yettinchi turdan so‘ng sakkizta ochko bilan Shotlandiya Premyer-ligasida sakkizinchi o‘rinni egallab turibdi.
Rassel Martinning o‘rnini egallashi mumkin bo‘lgan nomzod avvalroq Glazgo klubida ishlagan Stiven Jerrard hisoblanadi.
