Каталониянинг "Барселона" клуби яқин вақт ичида уругвайлик ҳимоячи Рональд Араухо билан хайрлашишни режалаштирмоқда. Бу ҳақда Fichajes нашри хабар бермоқда.
Журналистларнинг ёзишича, "кўк-анорранглилар" 26 ёшли футболчига нарх белгилаган. Каталонияликлар уругвайлик футболчини сотишдан 40 миллион евро ишлаб олмоқчи. Араухога даъвогарлар рўйхатида Туриннинг "Ювентус", "Ливерпуль", Лондоннинг "Челси" ва "Тоттенхэм" клублари бор.
Испания Ла Лигасининг жорий мавсумида Рональд 7 та ўйин ўтказиб, 1 та гол урди. Ҳимоячининг "Барселона" билан амалдаги меҳнат шартномаси муддати 2031 йилнинг ёзида тугайди.
