"Арсенал"нинг бразилиялик ҳужумчиси Габриэль Жезус "Фламенго"га ўтиши мумкин. Бу ҳақда Gazeta do Urubu хабар бермоқда.
Манбага кўра, "Фламенго" 28 ёшли форвардни таклиф қилмоқчи, аммо шу билан бирга клуб "Арсенал" сўраётган 30 миллион еврони тўламоқчи эмас. Жезус "канонирлар" қароргоҳини тарк этишга тайёр, чунки у кўпроқ ўйнашни ва бўлажак жаҳон чемпионатида Бразилия терма жамоасига киришни истайди.
Жорий мавсумда Жезус бирор марта майдонга тушмади, чунки у хочсимон пайлари узилганидан кейин тикланишда давом этмоқда. Ҳужумчининг "Арсенал" билан амалдаги шартномаси 2027 йилгача мўлжалланган.
