"Порту"нинг 21 ёшли ҳужумчиси Саму Агехова Лондоннинг "Тоттенхэм" клубига ўтиши мумкин. Бу ҳақда журналист Экрем Конур хабар бермоқда.
Манбанинг таъкидлашича, "шпорлар" ўтган мавсумда 27та гол урган испаниялик ҳужумчини диққат билан кузатиб бормоқда. Шу билан бирга, таъкидланишича, январда футболчининг трансфери амалга ошиши даргумон, чунки "Порту" мавсум ўртасида асосий футболчисини йўқотмоқчи эмас. Битим келаси ёзда амалга оширилиши мумкин.
Жорий мавсумда Агехова барча мусобақаларда ўтказилган саккизта ўйинда бешта гол урди. Ҳужумчининг "Порту" билан амалдаги шартномаси 2029 йилнинг июнигача мўлжалланган. Нуфузли "Transfermarkt" портали маълумотларига кўра, футболчининг нархи 50 миллион еврони ташкил этади.
