Сўнгги икки ўйинда "Барселона" мағлуб бўлди - Чемпионлар Лигасида "ПСЖ" (1:2) ва Ла Лигада "Севилья" (1:4). Якшанба кунги муваффақиятсизликдан сўнг Ханс-Дитер Фликдан жамоасининг ўйин тизимини ўзгартириши мумкинми, деб сўрашди.
"Тизим ўзгарадими? Менимча, гап тизимда эмас. Биз шунчаки жиддий хатоларга йўл қўймаслигимиз керак. Кўп нарса ҳақида гапириш мумкин, лекин бугун биринчи бўлимда ёмон ўйнадик. Иккинчи бўлимда яхшироқ ўйнадик. "ПСЖ"га қарши ўйиндан кейин ҳам айтганимдек, бундан хулоса чиқариб, ижобий томондан қарашимиз керак. Паузадан сўнг бизга жуда керак бўлган футболчилар сафга қайтади," - деди Флик матбуот анжуманида.
"Барселона" Ла Лига турнир жадвалида 2-ўринда бормоқда.
