Мадриднинг "Реал" клуби раҳбарияти Федерико Вальвердега сотишга тайёр, аммо бир ньюанс бор.
Defensa Central нашри тарқатган хабарларга ишонадиган бўлсак, "қаймоқранглилар" президенти Флорентино Перес Вальверденинг бўлажак харидорларини огоҳлантириб, агар улар уругвайлик ярим ҳимоячини қўлга киритмоқчи бўлишса, унинг шартномасидаги 1 миллиард еврога сотиб олиш бандини фаоллаштиришлари кераклигини айтган.
Аввалроқ, 27 ёшли хавбекка Англиянинг "Манчестер Юнайтед" клуби қизиқиш билдираётгани ҳақида хабарлар тарқалган эди.
Вальверде жорий мавсум барча турнирларда 9 та учрашувда майдонга тушди ва 3 та ассистни ўз ҳисобига ёздириб қўйди. Футболчининг клуб билан шартномаси 2029 йилгача мўлжалланган.
