"Эвертон" сафида Премьер-лиганинг еттита ўйинида Жек Грилиш битта гол урди ва шерикларига тўртта голли узатмани амалга оширди. 30 ёшли футболчининг ўйинларига ўтмишда машҳур бўлган футболчи Майкл Оуэн изоҳ берди.
"Бу трансфер Жек учун ажойиб қарор эди. Менимча, у "Эвертон"га кўпроқ мос келади. У жуда ўзига хос ўйинчи - тўпни ушлаб туришни яхши кўради, кўп жарима зарбаси ишлаб туради. У менга ҳамиша ёқарди. Мен ҳар доим Грилишнинг услуби "Манчестер Сити"га тўғри келмаслигини айтиб келганман. Кўриниб турибдики, "Эвертон" кўп фойда келтириши мумкин бўлган ажойиб футболчига эга бўлди," - деди Оуэн.
"Эвертон" айни дамда Англия чемпионати турнир жадвалида саккизинчи ўринда бормоқда.
