“Галатасарой” ва Германия терма жамоаси ярим ҳимоячиси Лерой Сане Октоберфест байрамида содир бўлган жанжал ҳақида гапирди. Унинг сўзларига кўра, воқеа провокация натижасида юз берган.

«Мени узоқ вақт давомида провокация қилишди, ҳатто “Галатасарой”ни ҳам ҳақорат қилишди. Кейин мени туртиб юборишди ва кичик жанжал келиб чиқди. Ҳа, мен оғирроқ бўлишим ва вазиятга аҳамият бермаслигим керак эди. Бу ҳолатдан сабоқ олдим», — деди Сане.

Сане 2025 йил ёзида “Бавария”ни эркин агент сифатида тарк этиб, “Галатасарой”га ўтган эди. Унинг шартномаси 2028 йил ёзигача амал қилади. Жорий мавсумда Сане барча мусобақаларда 9 та ўйинда майдонга тушиб, 1 та гол урди ва 3 та голли узатма берди. Илгари у “Шальке” ҳамда “Манчестер Сити” жамоалари шарафини ҳимоя қилган.