“Galatasaroy” va Germaniya terma jamoasi yarim himoyachisi Leroy Sane Oktoberfest bayramida sodir bo‘lgan janjal haqida gapirdi. Uning so‘zlariga ko‘ra, voqea provokasiya natijasida yuz bergan.

«Meni uzoq vaqt davomida provokasiya qilishdi, hatto “Galatasaroy”ni ham haqorat qilishdi. Keyin meni turtib yuborishdi va kichik janjal kelib chiqdi. Ha, men og‘irroq bo‘lishim va vaziyatga ahamiyat bermasligim kerak edi. Bu holatdan saboq oldim», — dedi Sane.

Sane 2025 yil yozida “Bavariya”ni erkin agent sifatida tark etib, “Galatasaroy”ga o‘tgan edi. Uning shartnomasi 2028 yil yozigacha amal qiladi. Joriy mavsumda Sane barcha musobaqalarda 9 ta o‘yinda maydonga tushib, 1 ta gol urdi va 3 ta golli uzatma berdi. Ilgari u “Shalke” hamda “Manchester Siti” jamoalari sharafini himoya qilgan.