"ПСЖ"да асосий сардор Маркиньос бўлиб қолмоқда, у 2013 йилнинг ёзидан бери жамоада ўйнамоқда. Энди Париж жамоаси футболчилари ярим ҳимоячи Витиньяни вице-сардорлардан бири сифатида танлади. Бу ҳақда Foot Mercato ўз саҳифаларида маълум қилди.
Ўтган дам олиш кунлари Витинья Франция чемпионатидаги 100-учрашувини ўтказди. Португалиялик "ПСЖ"да 2022 йилнинг ёзидан буён, "Порту"дан трансфер қилинганидан кейин тўп тепиб келмоқда. Ўшандан бери Витинья барча турнирларда 163 та расмий ўйин ўтказди. Уларда хавбек 20 та гол урди ва 18 марта шерикларига ассистентлик қилди.
"ПСЖ" 7 турда 16 очко тўплаган ҳолда Франция чемпионатида пешқадамлик қилмоқда.
