Ўтмишда машҳур бўлган футболчи Уэйн Руни "Ливерпуль" форварди Муҳаммад Салоҳни танқид қилди.

"Сўнгги бир ҳафта ичида унинг меҳнатсеварлигига шубҳа қила бошладим. У доим мудофаада машқ қилганини биламиз. Аммо "Челси" билан ўйинда қанот ҳимоячиси жуда қийналди, Салоҳ эса шунчаки томоша қилди. У ортга қайтмади, ёрдам бермади," - деди Руни BBC Sport’нинг The Wayne Rooney Show дастурида.

Хабарингиз бор, "Ливерпуль" сўнгги уч ўйинда "Кристал Пэлас" (1:2), "Галатасарой" (0:1) ва "Челси"га (1:2) ютқазган.

"Ливерпуль" навбатдаги ўйинини 19 октябрь, якшанба куни Премьер-лига доирасида "Манчестер Юнайтед"га қарши ўтказади.