"Реал"нинг собиқ футболчиси Тони Кроос "Барселона"нинг муаммосини айтиб ўтди. Немис футболчисининг фикрича, каталонияликлар ҳатто жамоа чарчаган пайтда ҳам ўз ўйин услубидан воз кечмайди.
"75-дақиқадан сўнг "Барселона"даги барча ўйинчилар чарчагани кўзга ташланмоқда. Шунингдек, улар бўш ҳудудларни ёпиш учун ўз ўйин услубини ўзгартирмаётганлари ҳам кўриниб туради. Агар сиз чарчаган бўлсангиз-у, лекин ўз услубингизни ўзгартирмасангиз, қанчалик заиф эканлигингиз яққол намоён бўлади!" - дея Крооснинг сўзларини Marca нашриёти келтиради.
Сўнгги икки учрашувда "Барселона" "ПСЖ"га (Чемпионлар Лигасида 1:2 ҳисобида) ва "Севилья"га (Испания чемпионатида 1:4 ҳисобида) мағлуб бўлди. Иккала ҳолатда ҳам каталонияликлар ўйинларнинг якуний қисмларини муваффақиятсиз ўтказишди.
