Ҳимоячи Дайо Упамекано "Бавария"га талаб қўйди, бу эса шартномани узайтириш бўйича музокаралар жараёнини секинлаштирди. Муаммо шартнома бонуси бўлиб турибди - Упамекано тахминан 17 миллион евро олишни хоҳлайди.

Бироқ, Bild нашрининг ёзишича, "Бавария" Упамеканонинг иштаҳасини қондиришга тайёр эмас. Клуб аллақачон шартномаларни узайтириш учун жиддий пул сарфлаган ва спорт директори Макс Эберль молиявий вазиятни назорат қилишга интилмоқда.

Шуни айтиш керакки, Упамекано музокараларда қулай позицияда турибди. Унинг шартномаси 2025/2026 йилги мавсум охиригача мўлжалланган. Агар томонлар келиша олмаса, Дайо эркин агент сифатида кетиши мумкин.