Италиянинг "Наполи" клуби тиббий штаби словакиялик ярим ҳимоячи Станислав Лоботканинг аҳволидан хавотир билдирди. Бу ҳақда Sky Sport Italia хабар бермоқда.
Футболчи клубининг Италия чемпионатидаги "Женоа"га (2:1) қарши ўйиндаги ғалабасидан сўнг оқсоқланиб майдонни тарк этди. Лоботка ва Маттео Политано аллақачон жароҳат сабаб терма жамоалари қайдномаларидан чиқарилган.
Яқинлаштирувчи мушак билан боғлиқ муаммо сабаб Лоботка тахминан 3-4 ҳафтани ўтказиб юбориши мумкин.
Жорий мавсумда таянч зонасида ҳаракат қилаётган 30 ёшли словакиялик футболчи барча мусобақаларда 8 та ўйинда майдонга тушиб, 1 та голли узатмани амалга оширди.
