Англия терма жамоаси бош мураббийи Томас Тухель "Бавария" ҳужумчиси Харри Кейннинг сўнгги йиллардаги муваффақиятлари ҳақида гапирди.
32 ёшли футболчи мавсум стартида жуда сермаҳсул ҳаракат қилмоқда - ўнта ўйинда 18 гол ва учта ассист.
"Шубҳасиз, Кейн ўз авлодининг энг яхши ҳужумчиси. Энди у янги даражага кўтарилди ва ҳар бир ўйинда иккитадан гол урмоқда. Харри ривожланмоқда, ўзига ишончга тўла ва "Бавария"ни ҳам, Англия терма жамоасини ҳам ўз ортидан эргаштира олади. У ажойиб формага кирди. Бизда шундай сардор борлигидан хурсандман," - дея Тухелнинг сўзларини келтиради Sport Bild.
9 октябрь куни Англия терма жамоаси Уэльс билан ўртоқлик учрашуви ўтказади, беш кундан сўнг эса 2026 йилги жаҳон чемпионати саралаш босқичи доирасида Латвия билан ўйнайди.
