Лондоннинг "Челси" клуби дарвозабон позициясини кучайтиришга эҳтиёж йўқ деб ҳисобламоқда. Жамоанинг ҳозирги "биринчи рақамли" голкипери Роберт Санчес тез-тез танқид қилинади, аммо клуб испаниялик футболчи ва унинг ўринбосари Филип Йоргенсендан мамнун. Шунингдек, "кўклар" боссларини "Страсбург"га ижарага берилган Майк Пендерс ҳам қониқтирмоқда. Шу тариқа, "Челси" 2026 йилнинг январида ҳам, ёзида ҳам янги дарвозабон билан шартнома имзоламайди, деб хабар беради Sky Sports.

Энцо Мареска жамоаси Премьер-лига 7-туридан кейин 11 очко билан турнир жадвалида еттинчи ўринда бормоқда. Лондонликлар чемпионатда 13 та гол уриб, ўз дарвозасидан 9 марта тўп олиб чиқди.