Саудия Арабистонининг "Ан-Наср" клубига ўтган ҳужумкор ярим ҳимоячи Кингсли Коман Саудия Арабистони чемпионатига трансфери ҳақида гапирди.
"Жамоатчиликнинг муносабатини жуда яхши тушунаман. Бу ўзгариш мени ҳам ҳайрон қолдирди. Мавсумни "Бавария" либосида бошлайман деб ўйлагандим. Аммо "Ан-Наср" мендан манфаатдор эди, битим беш кун ичида ёпилди. Ўшанда бу яхши қарор бўлишига ишондим", - дея франциялик футболчининг сўзларини келтиради L'Equipe.
29 ёшли вингер Саудия клуби билан 3 йиллик меҳнат шартномасини имзолади. Жорий мавсумда франциялик футболчи Саудия Арабистони чемпионатида 4 та учрашув ўтказиб, 2 та гол урди ва 4 та голли узатмани амалга оширди.
