Мексика ва Канададан ташқари АҚШда ўтказиладиган 2026 йилги жаҳон чемпионати ташкилотчилари мухлислар зоналари учун ажратилган маблағларни тежаш таклифини илгари сурди. Бу ҳақда SBJ портали хабар бермоқда.
Жаҳон чемпионати финалини ҳам қўшган ҳолда 8 та ўйинга мезбонлик қиладиган Нью-Йорк шаҳри ўз мухлислар зонасини турнирнинг барча 39 куни давомида очиқ сақлашни режалаштирмоқда. Далласда ҳам шунга ўхшаш вазият кузатилади, фақат ўйинсиз кунлар бундан истисно бўлиши мумкин.
Бошқа шаҳарлар ҳали ўзларининг мухлислар зоналари қанча кун фаолият юритишини ҳал қилмоқда. Мусобақанинг дастлабки кунларида ташкилотчилар қанча маблағ тўплай олиши ҳал қилувчи омил ҳисобланади.
FIFA дастлаб мезбон шаҳарлардан бутун турнир давомида мухлислар зоналарини ишлатишни талаб қилган эди, бироқ молиявий хавотирлар туфайли кейинчалик ўз талабларини юмшатишга мажбур бўлди.
