Юлдуз ҳужумчи Килиан Мбаппенинг онаси ва агенти Файза Ламари футболчининг "ПСЖ"даги ўйин даври муаммолари ҳақида сўзлади.
"Парижда Килиан гўё лупа остида тургандек эди - унинг ҳар бир ҳаракати, ҳар бир майда-чуйда нарсаси синчковлик билан кузатилар эди. Килиан оддий инсон бўлмай қолган эди. Мен жуда оғир даврларни бошдан кечирдим. Килиан ҳатто кўчада бемалол юра олмас эди. Бу ҳолат мени қаттиқ хафа қиларди", - деди Ламари.
2025/2026 йилги мавсумда Килиан Мбаппе "Реал" сафида 10 та ўйинда иштирок этиб, 14 та гол урди ва 2 та голли узатма бажарди.













