Юлдуз ҳужумчи Криштиану Роналду футболчилик фаолияти ҳақида фикр юритди. 40 ёшли футболчининг сўзларига кўра, агар имкони бўлса, у бутун фаолиятини Португалия терма жамоасида ўтказишга тайёр эди.
"Мен терма жамоада 22 йилдан бери ишлайман. Ўйлайманки, бу ўз-ўзидан терма жамоа либосига, ғалабаларга, терма жамоада ўйнашга бўлган иштиёқимни кўрсатади. Қўлимдан келса, фақат миллий терма жамоада ўйнардим - ҳеч қайси клубда эмас! Чунки бу футболчи фаолиятининг чўққиси, кульминациясидир," - деди Роналду Portugal Football Globe маросимида.
Клублар миқёсида Криштиану Роналду "Спортинг", "Манчестер Юнайтед", "Реал", "Ювентус" ва "Ан-Наср" клубларида ўйнаган.
