Англия терма жамоасининг собиқ яримҳимоячиси Жо Коул 40 ёшли португалиялик ҳужумчи Криштиану Роналду ҳақида фикр билдирди.

«У гўё тиббиёт қонунларига қарши чиқяпти. Эсимда, у 35 ёшда бўлганида айтгандим: “У камида 45 ёшгача ўйнайди”, — шунда ҳамма мени жинни деб ўйлаган эди. Мен эса: “Кўрамиз, у ҳали ҳам гол уриб юради”, — дегандим. Бу ҳақиқатан ҳам ақлбовар қилмас нарса. Ҳа, у ҳозир ўйнаётган лига кўп танқид қилинади. Лекин агар у карьерасини узайтирмоқчи бўлса, Премьер-лига, Ла Лига ёки Бундеслигада бундай имкониятга эга бўлолмайди. У Саудия лигасида ўйнаяпти ва ҳали ҳам доимий равишда гол урмоқда.

Португалия терма жамоаси сафида ўйнаганда ҳам, рақибларнинг тахминан 85 фоизи ундан аввалгидек жисмоний куч талаб қилмайди. Уни шунчаки дарвоза олдига қўйинг — у барибир гол уради. Шунинг учун, афсуски, Ирландия учун ёмон хабар — менимча, Португалия ишончли ғалаба қозонади, 4:0», — дейди Коул Goal нашрига берган интервьюсида.

Роналду 2023 йилдан бери “Ан-Наср” жамоаси шарафини ҳимоя қилиб келмоқда. Унинг клуб билан шартномаси 2027 йилгача мўлжалланган.