Самуэль Асамоа Хитойда реклама тахтасига урилиб, бўйнини синдириб олди.
Хитой иккинчи дивизиони доирасидаги ўйинда "Гуанси Пинго" жамоасида ўйнаётган Асамоа "Чунцин Тунлянлун" жамоаси вакили Чжан Чжисюн билан тўқнашиб кетди. Рақиб Самуэлни реклама тахтасига итариб юборди, натижада 31 ёшли Того терма жамоаси футболчиси боши билан реклама баннерига урилди.
"Гуанси Пинго" Асамоага бўйин синиши ва асабнинг кенг шикастланиши ташхиси қўйилганини эълон қилди. У операция қилинди, аҳволи барқарор.
Шу билан бирга, клуб Самуэлда пастки тананинг ҳаракатланишига тўсқинлик қилувчи фалаж тури - параплегия ривожланиш хавфи юқори эканлигини таъкидлади.
