Sport.es нашрининг Catalunya Ràdioга таяниб хабар беришича, Флик Ла Лиганинг 8-туридан ўрин олган «Севилья»га қарши ўйиндаги (1:4) мағлубиятдан сўнг жисмоний тайёргарлик бўйича мураббийлар билан йиғилиш ўтказишга қарор қилган.

Манба маълумотига кўра, немис мутахассиси футболчиларнинг жисмоний ҳолати мавсумнинг бу босқичида керакли даражада эмас, деб ҳисобламоқда. Айниқса, ярим ҳимоячи Педрининг интенсивлик кўрсаткичлари ўтган йилгига нисбатан паст экани таъкидланмоқда.

Ҳозирги кунда машғулотлардаги юклама ҳам кутилганидан пастроқ. Бу жамоа ўтган мавсумга нисбатан кўпроқ чарчоқ ҳис қилаётгани билан изоҳланади. Натижада интенсивликни ошириш имкони бўлмаяпти.

Фликнинг режасига кўра, футболчилар март ойига қадар энг юқори жисмоний формага чиқишлари лозим. Бироқ, агар юкламалар оширилмаса, бу мақсадга эришиш қийин бўлади.