Мадриднинг "Атлетико" клуби ва Аргентина терма жамоаси ҳужумчиси Хулиан Альварес футбол тарихидаги энг яхши беш футболчини эътироф этди.
"Матрасчилар" юлдузи рўйхатида биринчи ўринни ҳамюрти Лионель Месси эгаллади, дея хабар бермоқда AlbicelesteTalk. Иккинчи ўринга 25 ёшли ҳужумчи яна бир аргентиналик афсона - Диего Марадона, учинчи ўринга эса Мадриднинг "Реал" клубидаги ўйинлари билан машҳур бўлган Альфредо ди Стефано лойиқ кўрилди. Кейинги ўринни бразилиялик Роналдо эгаллаган бўлса, кучли бешликни португалиялик Криштиану Роналду якунлаб берган.
Хулиан Альварес 2024 йилнинг ёзидан буён "Атлетико" шарафини ҳимоя қилиб келмоқда. Футболчи бунгача Англияда "Манчестер Сити" шарафини ҳимоя қилган.













