"Эвертон" посбони Жордан Пикфорд Англия терма жамоаси рекордчисига айланди.
"Ирислар"нинг 31 ёшли вакили Англия терма жамоасига Уэльс билан ўртоқлик учрашувида қуруқ ғалабани қўлга киритишга ёрдам берди (3:0). Opta хабарига кўра, Пикфорд Англия терма жамоаси тарихида кетма-кет саккизта тўлиқ ўйинда дарвозаси дахлсизлигини сақлаб қолган илк дарвозабонга айланди. Рекорд серия ўтган йилнинг ноябрь ойида бошланган, ўшанда инглизлар Миллатлар Лигаси доирасида Грецияни 3:0 ҳисобида мағлуб этганди.
Бугунги Уэльсга қарши ўйин Жордан Пикфорд учун "уч шерлар" сафидаги 79-ўйин бўлди. Кипернинг дебюти 2017 йилнинг кузида Германияга қарши ўртоқлик ўйинида (0:0) бўлган.
