Допинг қабул қилгани учун дисквалификация муддатини ўтаб бўлган "Монако" ярим ҳимоячиси Поль Погба ҳамон жамоа сафида дебют қила олмаяпти. Бу ҳақда Nice-Matin хабар бермоқда.
Манбага кўра, "Монако" ярим ҳимоячиси машғулотларда ўнг сонидаги муаммолардан шикоят қилган. Ўтказилган тиббий кўрик натижаларига кўра, Погба мамлакат чемпионатининг 18 октябрь куни бўлиб ўтиши режалаштирилган "Анже"га қарши ўйинни ўтказиб юбориши маълум бўлди.
32 ёшли Погба ўтган ёзда "Монако" сафига эркин агент сифатида келиб қўшилган эди. Тақиқланган моддалар билан боғлиқ муаммолар юзага келгунга қадар у "Манчестер Юнайтед" ва "Ювентус" каби клублар шарафини ҳимоя қилган.
