Doping qabul qilgani uchun diskvalifikasiya muddatini o‘tab bo‘lgan "Monako" yarim himoyachisi Pol Pogba hamon jamoa safida debyut qila olmayapti. Bu haqda Nice-Matin xabar bermoqda.
Manbaga ko‘ra, "Monako" yarim himoyachisi mashg‘ulotlarda o‘ng sonidagi muammolardan shikoyat qilgan. O‘tkazilgan tibbiy ko‘rik natijalariga ko‘ra, Pogba mamlakat chempionatining 18 oktyabr kuni bo‘lib o‘tishi rejalashtirilgan "Anje"ga qarshi o‘yinni o‘tkazib yuborishi ma’lum bo‘ldi.
32 yoshli Pogba o‘tgan yozda "Monako" safiga erkin agent sifatida kelib qo‘shilgan edi. Taqiqlangan moddalar bilan bog‘liq muammolar yuzaga kelgunga qadar u "Manchester Yunayted" va "Yuventus" kabi klublar sharafini himoya qilgan.
