Испаниянинг "Овьедо" клуби ўзининг расмий сайтида 48 ёшли сербиялик бош мураббий Велько Пауновични истеъфога чиқарганини маълум қилди. Хабарга кўра, унинг ёрдамчилари ҳам жамоани тарк этишган.
"Клуб Велько Паунович ва унинг мураббийлар штабига профессионаллиги, содиқлиги ва фидойилиги учун миннатдорчилик билдиради. Унинг раҳбарлигида жамоа Ла Лигага кўтарилди - бу тарихий ютуқ мухлислар хотирасида сақланиб қолади. Клуб унга келгуси фаолиятида муваффақиятлар тилайди", - дейилади клуб хабарида.
Жамоанинг янги мураббийи 46 ёшли испаниялик Луис Каррион. Каррионнинг охирги иш жойи бир йил олдин (2024 йил 8 октябр) тарк этган “Лас-Пальмас” эди.
Паунович шу йилнинг март ойида "Овьедо"ни бошқарганди. Сербиялик мураббий қўл остида жамоа ўтган мавсумда Сегундадан Ла Лигага кўтарилиб, 24 йиллик танаффусдан кейин Примьерага қайтди. Испания олий дивизионида “Овьедо” саккиз ўйинда олтита мағлубиятга учради ва олти очко жамғарди. Жамоа айни дамда Ла Лига турнир жадвалида 17-ўринда бормоқда.
