Ispaniyaning "Ovyedo" klubi o‘zining rasmiy saytida 48 yoshli serbiyalik bosh murabbiy Velko Paunovichni iste’foga chiqarganini ma’lum qildi. Xabarga ko‘ra, uning yordamchilari ham jamoani tark etishgan.

"Klub Velko Paunovich va uning murabbiylar shtabiga professionalligi, sodiqligi va fidoyiligi uchun minnatdorchilik bildiradi. Uning rahbarligida jamoa La Ligaga ko‘tarildi - bu tarixiy yutuq muxlislar xotirasida saqlanib qoladi. Klub unga kelgusi faoliyatida muvaffaqiyatlar tilaydi", - deyiladi klub xabarida.

Jamoaning yangi murabbiyi 46 yoshli ispaniyalik Luis Karrion. Karrionning oxirgi ish joyi bir yil oldin (2024 yil 8 oktyabr) tark etgan “Las-Palmas” edi.

Paunovich shu yilning mart oyida "Ovyedo"ni boshqargandi. Serbiyalik murabbiy qo‘l ostida jamoa o‘tgan mavsumda Segundadan La Ligaga ko‘tarilib, 24 yillik tanaffusdan keyin Primyeraga qaytdi. Ispaniya oliy divizionida “Ovyedo” sakkiz o‘yinda oltita mag‘lubiyatga uchradi va olti ochko jamg‘ardi. Jamoa ayni damda La Liga turnir jadvalida 17-o‘rinda bormoqda.