Рой Кин Диего Симеонени "Манчестер Юнайтед"да кўришни хоҳлайди.
- Келинг, утопик дунёни тасаввур қилайлик, унда сиз дунёдаги исталган мураббийни танлашингиз ва улар "Манчестер Юнайтед"да муваффақият қозонишини билишингиз мумкин...
– "Атлетико"дан Симеонени у ерда кўришни истардим. Унинг дўсти [Андреа Берта] "Арсенал"га кетганини биламан. Лекин менимча, у тартибсизликни яратади, лекин яхши тартибсизлик. У бу клубни силкитарди.
Албатта, ҳеч қандай кафолатлар йўқ, лекин менга фақат унинг феъл-атвори, тажрибаси ёқади. Одамларга унинг футбол услуби ёқмаслиги мумкин, аммо ўтган ҳафта улар "Реал" дарвозасига бешта гол уришди. Тушунишларича, у ҳимоявий услубга эга... Ҳа, у жамоасининг кўп гол ўтказиб юбориши ёки кўп вазиятлар яратишини ёқтирмайди, лекин улар ўйнашни, курашишни билишади. Улар жангчилар.
"Ливерпул"га қарши ўйинда жамоа бир неча йил олдингидек кучли эмасди, аммо барибир жанговар руҳни намойиш этди. Симеоне қизил карточка олди, шундай эмасми? Мен кучли шахсни "МЮ"да кўришни истардим", - деди "Манчестер Юнайтед"нинг собиқ ярим ҳимоячиси.
