Бир қатор текширувлардан сўнг ФИФА Испаниянинг “Алавес” клуби футболчиси Факундо Гарсесни ёлғон гапиргани учун дисквалификация қилишга қарор қилди.
Факундо Аргентина терма жамоасига чақирилмаслигига ишониб, Малайзия терма жамоасида ўйнашга қарор қилди.
Бунинг учун у бобоси 1930-йилларда Пенангда туғилган, деб ёлғон гапирган. ФИФА аввалига ҳеч нарсадан шубҳаланмади, футболчига рухсат берди ва июнь ойида у миллий терма жамоа учун Вьетнамга қарши ўйнади. Аммо кейинчалик бу ёлғон бўлиб чиқди — футболчининг бобоси аслида Аргентинанинг Санта-Фе шаҳрида туғилган. Бунинг учун нафақат футболчининг ўзи, балки Малайзия футбол федерацияси ҳам жарима тўлаши керак бўлади.
