Мадриднинг "Реал" клуби форварди Гонсало Гарсия бошқа позицияларда ўйнашга тайёрми, деган саволга жавоб берди.
"Биз барчамиз жамоага ёрдам беришга, қўлимиздан келган жойда ўйнашга ва "Реал" таркибида исталган вақтда, исталган позицияда майдонга тушишга тайёрмиз. Агар Куртуа жароҳат олса, дарвозабон позициясида ҳам ўйнаган бўлардим (кулади)", - деб Гарсиянинг сўзларини келтиради Cadena SER.
Жорий мавсумда 21 ёшли ҳужумчи барча мусобақаларда 6 та учрашувда майдонга тушиб, 1 та ассистни ўз ҳисобига ёздириб қўйди. Гарсиянинг "қаймоқранглилар" билан амалдаги меҳнат шартномаси 2030 йилнинг июнигача мўлжалланган.
