"Борнмут" вингери Антуан Семеньо "Манчестер Сити" форварди Эрлинг Холанднинг даражаси ҳақида фикр билдирди.
"Холанд - биринчи рақамли. Сен унинг шунча гол ураётганини кўриб, "ҳаётда ундай бўлмаса керак," деб ўйлайсан. У нақадар баланд бўйли, худойим! Баланд бўйли, кучли, тезкор, гол ура олади. Унда ҳужумчига керак бўлган ҳамма нарса бор", - дея Семеньонинг сўзларини келтиради City Report.
Англия Премьер-лигасининг жорий мавсуми доирасида Холанд еттита учрашувда тўққизта гол уришга муваффақ бўлди. Бундан ташқари, унинг ҳисобида битта самарали узатма бор.
