Испания терма жамоаси бош мураббийи Луис де ла Фуэнте машғулотлар вақтида жароҳат олган Дани Ольмо ҳақида ўз фикрларини билдирди.
"Дани бутун ҳафта давомида машғулотларда иштирок этди, лекин у бироз чарчоқ ва ноқулайликни сезаётганини айтди. Бугун машғулотда 15 дақиқа ҳаракат қилди холос, кейин ўзини ноқулай сезгани учун тўхтади.
У тиббий текширувларга йўналтирилди, қолган маълумотларни тиббий штаб тақдим этади. Бошқа футболчилар эса аъло ҳолатда", - деди мутахассис.
Эслатиб ўтамиз, "қизил фурия"нинг аввалги йиғинида Ламин Ямал белидан жароҳат олган эди. 2024 йилда Гави ҳам айнан терма жамоада хочсимон боғламини йиртиб олганди.
