"Брентфорд" клуби қанот ҳужумчиси Кевин Шаде "Тоттенхэм" қизиқишлари доирасига тушиб қолди. Бу ҳақда журналист Флориан Плеттенберг ўзининг ижтимоий тармоқдаги саҳифасида маълум қилди.
Манбага кўра, 23 ёшли вингер "шпорлар" томонидан ҳужум қанотини кучайтириш учун асосий вариант сифатида кўрилмоқда. "Тоттенхэм" 2026 йилда "Брентфорд" билан музокараларни бошлашни режалаштирмоқда.
Кевин Шаде 2023 йилдан бери "асаларилар" шарафини ҳимоя қилмоқда. Унинг ҳисобида "Брентфорд" сафида барча мусобақаларда 82 та ўйинда 15 та гол ва бешта голли узатма бор. Немиснинг амалдаги меҳнат шартномаси 2028 йилгача мўлжалланган. Transfermarkt Шадени 30 млн еврога баҳоламоқда.
