Германия терма жамоаси жаҳон чемпионати саралашининг навбатдаги турида Люксембург терма жамоаси дарвозасига жавобсиз 4 та тўп киритди. Германия терма жамоаси футболчиси Йозуа Киммих учун бу Германия терма жамоаси сафидаги 104-ўйин бўлди. У бу кўрсаткич бўйича шу пайтгача терма жамоа рекордчиси бўлган Франц Беккенбауэрни ортда қолдирди.
Эслатиб ўтамиз, Киммих Германия терма жамоаси сафида 2016 йилдан буён тўп тепиб келмоқда, у 2016 йилги Европа чемпионатида иштирок этиш учун чақирилган ва ўшанда терма жамоадаги дебюти бўлиб ўтганди. 2016 йилнинг 4 сентябрь куни Норвегияга қарши ўйинда Йозуа Германия терма жамоасидаги илк голини урди.
